ISW: Ukraina ŭpieršyniu pačynaje aktyŭna vyznačać chod vajny
Ukraina zachoplivaje stratehičnuju inicyjatyvu i vymušaje Rasiju pieraraźmiarkoŭvać siły i mianiać pryjarytety ŭ adkaz na ŭkrainskija kontrnastupalnyja apieracyi, pišuć ekśpierty amierykanskaha Instytuta vyvučeńnia vajny (ISW) u čarhovaj zvodcy, paviedamlaje BBC.
Rasijskaja armija ŭsio čaściej pierakidaje asabovy skład i techniku ŭ Chiersonskuju i Zaparožskuju vobłaści, što škodzić namahańniam pa zachopie Słavianska i Sievierska, ad jakich jana, padobna, admoviłasia. Rasija taksama pierakidvaje artyleryju i avijacyju ŭ Krym ź inšych rehijonaŭ Ukrainy.
Raniej rasijskija siły ŭžo advodzili abo prypyniali nastupalnyja apieracyi na Charkaŭ i paŭdniovuju voś, kab zrabić pryjarytetnym zachop Łuhanskaj vobłaści, ale tady jany rabili heta pa ŭłasnaj inicyjatyvie, zychodziačy z pryjarytetaŭ kamandavańnia.
Ciapier ža rasijskija vojski, zdajecca, reahujuć na pahrozu ŭkrainskaha kontrnastupleńnia ŭ Chiersonskaj vobłaści, a nie śviadoma vybirajuć mety dla kancentracyi svaich namahańniaŭ.