Ukrainski sud prysudziŭ rasijskaha tankista da 10 hadoŭ. Jon z tanka abstralaŭ kvateru
Mikałaja Kulikova asudzili na 10 hadoŭ źniavoleńnia — taki prysud vynies 8 žniŭnia vynies Dziaśnianski rajonny sud Čarnihava.
Mikałaj Kulikoŭ. Fota: Hrati
Kulikova, pryznanaha vinavatym u parušeńni zakonaŭ i zvyčajaŭ vajny, taksama abaviazali kampiensavać sudovyja vydatki ŭ pamiery 26600 hryŭniaŭ (kala 720 dalaraŭ ZŠA).
Mikałaj Kulikoŭ — navodčyk tanka — trapiŭ u pałon jašče ŭ lutym. Jaho sudzili za abstreł žyłoha doma na ŭskrainie Čarnihavie 26 lutaha 2022 hoda. Kulikoŭ na pieršym pasiadžeńni pryznaŭ vinu, zajaviŭ, što vykonvaŭ zahad, ale razumieŭ, što stralaje pa žyłym domie.
Strełam z tanka, piša «Suśpilnie», była paškodžana kvatera na dziasiatym paviersie, ab paciarpiełych u vyniku abstrełu nie paviedamlajecca. Raniej Kulikoŭ zajaŭlaŭ, što pabačyŭ na vierchnich pavierchach doma čałavieka z hranatamiotam.
Abvinavačvańnie prasiła dla Kulikova pakarańnie ŭ vyhladzie 10 z pałovaj hadoŭ pazbaŭleńnia voli.
