Pientahon: Z pačatku vajny va Ukrainie zahinuli abo atrymali ranieńni ad 70 da 80 tysiač rasijskich vajskoŭcaŭ
Z takoj acenkaj vystupiŭ namieśnik ministra abarony ZŠA pa palityčnych pytańniach Kolin Kal padčas bryfinhu, paviedamlaje CNN.
Pachavańnie rasijskaha vajskoŭca, jaki zahinuŭ va Ukrainie. Fota: Administracyja Kanieŭskaha rajona Krasnadarskaha kraja
«Jość padstavy mierkavać, što rasijanie stracili 70 abo 80 tysiač čałaviek mienš čym za šeść miesiacaŭ (vajny)», — skazaŭ pradstaŭnik Pientahona, adznačyŭšy, što havorka idzie pra prykładnuju kolkaść jak zabitych, tak i paranienych vajskoŭcaŭ Rasijskaj Fiederacyi.
Kal adznačyŭ, što takija straty siarod rasijskich vajskoŭcaŭ źjaŭlajucca «charakternymi», uličvajučy, što Rasija nie dasiahnuła nivodnaj z metaŭ, zajaŭlenych Uładzimiram Pucinym u pačatku vajny.
Va Ukrainie ličać, što ŭ vajnie ŭžo zahinuli bolš za 42 tysiačy rasijskich sałdat. Rasija pra svaje straty ŭžo šmat miesiacaŭ ničoha nie havoryć.
