Premjer-ministarki Finlandyi i Estonii vykazalisia za abmiežavańnie vydačy krainami ES turystyčnych viz rasijanam
Sana Maryn i Kaja Kałas vykazalisia za abmiežavańni vydačy krainami ES turystyčnych viz rasijanam, pakul Rasija viadzie ahresiŭnuju vajnu ŭ Jeŭropie.
«Niapravilna, što pakul Rasija viadzie ahresiŭnuju i biaźlitasnuju vajnu ŭ Jeŭropie, rasijanie mohuć žyć jak ni ŭ čym nie byvała, i padarožničać pa Jeŭropie. Heta niespraviadliva», — skazała kiraŭnica finskaha ŭrada Sana Maryn.
Na jaje dumku, Finlandyja mahła b samastojna zapavolić vydaču ŭjaznych dakumientaŭ, ale takija rašeńni pavinny prymacca sumiesna ŭ ES.
«Spynicie vydaču turystyčnych viz rasijanam. Naviedvańnie Jeŭropy — heta pryvilej, a nie prava čałavieka, — napisała premjerka Estonii Kaja Kałas. — Avijaspałučeńnie z Rasijaj zakrytaje. Heta aznačaje, što pakul krainy Šenhienskaj zony vydajuć vizy, ciažar niasuć susiedzi Rasii. Čas spyniać turyzm z Rasii ŭžo ciapier».
Raniej prezident Ukrainy Uładzimir Zialenski zaklikaŭ zachodnija krainy abmiežavać ujezd dla rasijan.