U BDUIR źjaviŭsia fakultet infarmacyjnaj biaśpieki
Tak ź siońniašniaha dnia nazyvajecca fakultet infakamunikacyj. Pierajmienavańnie, pa słovach dekana Siarhieja Drobata, źviazanaje sa źmienami, jakija adbyvajucca ŭ Biełarusi i va ŭsim śviecie.
«Pierachod na elektronny dakumientaabarot, akazańnie elektronnych pasłuh nasielnictvu, ličbavizacyja ekanomiki niemahčymyja biez raźvićcia mietadaŭ i srodkaŭ zabieśpiačeńnia biaśpieki infarmacyi. Profilny fakultet u BDUIR zabiaśpiečyć jakaść padrychtoŭki śpiecyjalistaŭ, efiektyŭnaje ŭzajemadziejańnie z zakazčykami kadraŭ, pry nieabchodnaści zmoža dastatkova chutka pavialičyć kolkaść śpiecyjalistaŭ, jakija vypuskajucca dla realizacyi asnoŭnych pałažeńniaŭ, zamacavanych u Kancepcyi infarmacyjnaj biaśpieki Respubliki Biełaruś i Zakonie Respubliki Biełaruś «Ab abaronie piersanalnych danych», — skazaŭ jon.
