Futbalist ź Biełarusi budzie vystupać u Andory
29-hadovy Maksim Vaładźko źbirajecca pradstaŭlać kamandu «Santa-Kałoma», hadavy biudžet jakoj ŭsiaho 130 tysiač jeŭra, piša Tribuna.com. U rejtynhu FIFA Andora zajmaje 156-je miesca (Biełaruś — 96-je).
Vaśmirazovy čempijon Biełarusi pa futbole pakinuŭ BATE i stanie pieršym biełaruskim lehijanieram u Andory — futbolnym «karliku». Prytym jahony novy kłub u hetaj krainie navat nie najmacniejšy, u minułym čempijanacie jon zaniaŭ piataje miesca. Ale i heta ŭžo lepiej, čym biełaruski čempijanat, jaki ciapier masava pakidajuć choć by trochi kvalifikavanyja hulcy.
Vaładźko pakinuŭ barysaŭski BATE, za jaki vystupaŭ z 2009 hoda (ź nievialikim pierapynkam u 2019—2021, kali źjazdžaŭ u Rasiju), 1 žniŭnia. U hetym siezonie jon pravioŭ siem matčaŭ u čempijanacie Biełarusi, vynikovymi dziejańniami nie adznačyŭsia.
