Siemens: Zajaŭlenaja «Hazpramam» prablema — nie pryčyna dla spynieńnia «Paŭnočnaha patoku»
Uciečka masła, na jakuju spasyłajecca rasijski kancern «Hazpram», nie moža być techničnaj pryčynaj dla spynieńnia ekspłuatacyi hazapravoda «Paŭnočny patok». Ab hetym zajaviła niamieckaja kampanija Siemens Energy, piša DW.
«Jak vytvorca turbin my možam tolki kanstatavać, što padobnaje zaklučeńnie [«Hazproma»] nie zjaŭlajecca techničnaj pryčynaj dla spynieńnia pracy. Takija ŭciečki zvyčajna nie ŭpłyvajuć na pracu turbin i mohuć być likvidavany na miescy», — zajavili ŭ Siemens Energy.
Likvidacyja padobnych niepaładak — heta rucinnaja apieracyja ŭ miežach prac pa techničnym absłuhoŭvańni. U minułym uźniknieńnie takich incydentaŭ nie pryvodziła da spynieńnia ekspłuatacyi, zaznačajecca ŭ zajavie.
U kampanii dadali, što ŭ ciapierašni čas Siemens Energy nie zajmajecca techabsłuhoŭvańniem «Paŭnočnaha patoku», ale hatova pryniać udzieł u techničnych rabotach, adznačyŭšy, što «na kampresarnaj stancyi «Partovaja» jość dastatkova dadatkovych turbin dla pracy «Paŭnočnaha patoku».
Paśla trochdzionnaha pierapynku na techničnaje absłuhoŭvańnie pampoŭka hazu Nord Stream nie adnaviłasia 3 vieraśnia, jak toje płanavałasia pieršapačatkova. U «Hazpramie» pryčynaj hetaha nazvali ŭciečku nafty na kampresarnaj stancyi «Partovaja».
