«Aśviažajuć navyki ŭ pracy z kartami». U Homielskaj vobłaści prachodziać vučeńni, jakija raniej nie anansavalisia
Jak akazałasia, vučeńni ciapier prachodzić i ŭ rajonach Homielskaj vobłaści. Pavodle aficyjnaj infarmacyi Ministerstva abarony RB, vučeńni anansavałasia na palihonie «Brescki», a taksama učastkach miascovaści ŭ Minskaj i Viciebskaj abłaściach. Adnak vydańnie «Fłahštok» zaŭvažyła, što jany adbyvajucca i ŭ pamiežnym z Ukrainaj Lelčyckim rajonie Homielščyny.
Jak paviedamlaje hazieta rajvykankama, u ramkach praviadzieńnia vučeńniaŭ da ich pryciahvajucca Rada abarony i apieratyŭnaja hrupa štaba rajona terytaryjalnaj abarony.
«Atrymlivajučy źmieny abstanoŭki i ŭkazańni z vyšejstajačaha štaba, navučency na praktycy adpracoŭvajuć umieńni ŭ pryniaćci rašeńniaŭ u napružanych umovach abstanoŭki, aśviažajuć navyki ŭ pracy z bajavymi dakumientami i pracoŭnymi kartami», — napisaŭ vajskovy kamisar rajona.
Čytajcie taksama:
Brytanskaja raźviedka acaniła pahrozu Ukrainie ad vučeńniaŭ Biełarusi pa vyzvaleńni terytoryj
«Vyzvaleńnie časova zachoplenych terytoryj». Pačalisia vučeńni Uzbrojenych sił Biełarusi
