RF vydatkuje 100 młrd rasijskich rubloŭ na raźvićcio kvantavych technałohij
Vice-premjer RF Dźmitryj Čarnyšenka zajaviŭ, što da 2025 hoda budzie vydzielena nie mienš za 100 miljardaŭ rasijskich rubloŭ (kala 4,2 młrd biełaruskich) na padtrymku navukovych instytutaŭ i dziaržkampanij, jakija zajmajucca raźvićciom kvantavych technałohij.
Pa słovach akademika Hienadzia Kraśnikava, kvantavyja technałohii zaklikanyja zabiaśpiečyć Rasii technałahičnuju niezaležnaść i lidarstva.
«Dasiahnuŭšy pieravahi ŭ hetym kirunku, my zmožam vyvieści mnohija śfiery ekanomiki na jakasna novy ŭzrovień. Heta tyčycca miedycyny, biaśpieki, łahistyki i mnohich inšych halin. My zmožam pravodzić paŭnavartasnaje madelavańnie advolnych kvantavych sistem, u nas źjaviacca novyja mahčymaści pa stvareńni materyjałaŭ, madelavańnia šyrokaha koła bijałahičnych, sacyjalnych i ekanamičnych pracesaŭ», — skazaŭ Kraśnikaŭ.
