Vulicu Krapotkina ŭ Homieli pierajmianujuć u vulicu Mitrapalita Fiłareta
Homielskuju vulicu, nazvanuju ŭ honar adnaho ź ideołahaŭ rasijskaha anarchista Piatra Krapotkina, pierajmianujuć u vulicu Mitrapalita Fiłareta. Heta praduhledžana rašeńniem Homielskaha haradskoha savieta deputataŭ, apublikavanaha na Nacyjanalnym pravavym internet-partale.
Mitrapalit Fiłaret (Vachramiejeŭ) kiravaŭ Biełaruskaj Pravasłaŭnaj Carkvoj cełych 35 hadoŭ, z 1978 da 2013 hoda. Pamior jon u studzieni 2021 hoda, a pakolki zaŭsiody byŭ łajalny da režymu Łukašenki, to ciapier jaho pamiać aktyŭna ŭšanoŭvajuć pa ŭsioj Biełarusi i navat dziela hetaha, jak u dadzienym vypadku, iduć na pierajmienavańnie savieckich nazvaŭ vulic.
Taksama ŭ adpaviednaści z hetym samym dakumientam skvieru, raźmieščanamu ŭ Centralnym rajonie Homiela pamiž spuskam Bileckim i vulicaj Baŭmana, budzie prysvojenaja nazva «Skvier archijepiskapa Arystarcha». Archijepiskap Arystarch (Stankievič) kiravaŭ Homielskaj i Žłobinskaj jeparchijaj z 1990 hoda da svajoj śmierci ŭ 2012-m.
