Rasijanie adkryli ŭ zrujnavanym Maryupali pomnik Alaksandru Nieŭskamu
Pakul horad lažyć u ruinach, hubiernatar Pieciarburha adkryŭ u Maryupali pomnik Alaksandru Nieŭskamu.
Biahłoŭ zajaviŭ, što Nieŭski źjaŭlajecca simvałam dapamohi i abarony z boku Rasii dla ŭsich pravasłaŭnych.
«Hubiernatar Sankt-Pieciarburha adznačyŭ, što Alaksandr Nieŭski abaraniaŭ Ruś ad vorahaŭ, jakija pryjšli z krain, ź jakimi Rasija zmahajecca siońnia», — adznačyli ŭ pres-słužbie Biahłova.
Nahadajem, bajavyja dziejańni pad Maryupalem pačalisia ź pieršych dzion vajny, da kanca maja ministr abarony Rasii Siarhiej Šajhu dałažyŭ Pucinu ab poŭnaj akupacyi horada i mietałurhičnaha kambinata «Azoŭstal».
Horad lažyć u ruinach. Pavodle ŭkrainskich uładaŭ, tam zahinuli dziasiatki tysiač čałaviek. U vyniku adnaho tolki ŭdaru rasijan pa dramteatry zahinuli, imavierna, sotni ludziej. Rasija robić vyhlad, što adnaŭlaje horad. Akupacyjnyja ŭłady z pafasam abviaścili, što adnavili ažno try škoły (i heta ŭ horadzie, dzie da vajny žyło 450 tysiač čałaviek). Bolšaja častka horada žyvie ŭ niečałaviečych umovach. Pra viartańnie socień tysiač biežancaŭ i pierasialencaŭ z Maryupala havorka nie idzie.
Ale adrazu ž Rasija ŭziała kurs na ŭstanoŭku svaich pomnikaŭ i naviazvańnie ŭłasnaj histaryčnaj pamiaci.
