Uzrovień zapasaŭ hazu ŭ schoviščach Jeŭropy pieravysiŭ 85%
Uzrovień zapasaŭ hazu ŭ padziemnych schoviščach (PSH) Jeŭropy pieravysiŭ 85%, śviedčać źviestki asacyjacyi Gas Infrastructure Europe (GIE), jakaja pradstaŭlaje intaresy jeŭrapiejskich apierataraŭ hazavaj infrastruktury. Pry hetym tempy zapaŭnieńnia PSH zamarudzilisia da siaredziny vieraśnia.
Zapasy hazu ŭ schoviščach Jeŭropy na 16 vieraśnia vyraśli da 85,3%. Heta vyšej, čym u siarednim na hetuju datu za apošnija piać hadoŭ. Raniej krainy ES abaviazalisia zapoŭnić PSH jak minimum na 80% da zimy 2022-2023 hadoŭ i na 90% da ŭsich nastupnych zimovych pieryjadaŭ.
Adnak siarednija tempy zapaŭnieńnia PSH u vieraśni — minimalnyja ź viasny. Kali ŭ najbližejšy čas tempy zapampoŭki zachavajucca na biahučym uzroŭni, to pakazčyka zapasaŭ u 90% atrymajecca dasiahnuć na pačatku kastryčnika.
Pry hetym rasijski «Hazpram» raniej papiaredžvaŭ, što navat blizkija da maksimalnych zapasy hazu ŭ PSH bujnych jeŭrapiejskich krain nie harantujuć im nadziejnaje prachodžańnie asieńnie-zimovaha pieryjadu.
Najbolšy ŭzrovień zapoŭnienaści schoviščaŭ adznačajecca ciapier u Partuhalii (100%) i Polščy (98,7%). Taksama ŭ liku lidaraŭ pa ŭzroŭni zapasaŭ Francyja, Danija, Šviecyja i Hiermanija. U piaciorcy krain Jeŭropy z najmienšymi pakazčykami zapoŭnienaści PSH — Łatvija (usiaho 51,99%), Bałharyja, Vienhryja, Aŭstryja i Rumynija.
