Pryjom rasijskich apłatnych kartak «Mir» prypynili Armienija, Vjetnam i Kazachstan
Krainy śvietu praciahvajuć admaŭlacca absłuhoŭvać rasijskija karty «Mir», bajučysia sankcyj z boku ZŠA. Banki Kazachstana, Vjetnama i Armienii, jakija raniej prymali hetyja karty, śledam za bankami Turcyi taksama pierastali pracavać z rasijskaj apłatnaj sistemaj.
U pryvatnaści, supracoŭnik vjetnamskaha BIDV padkreśliŭ, što arhanizacyja pa-raniejšamu absłuhoŭvaje karty VISA, Mastercard, Western Union, JCB, UnionPay, adnak płaciežnaja sistema «Mir» u pieraliku nie zhadanaja.
U Narodnym banku Kazachstana («Chałyk bank») taksama paviedamili, što bolš nie prymajuć rasijskija karty. U koł-centry banka rastłumačyli, što heta tyčycca i terminałaŭ, i bankamataŭ. Razam z tym, bank u standartnym režymie ŭsio jašče absłuhoŭvaje karty «Mir» pry apłacie pakupak i pasłuh.
Akramia taho, 21 vieraśnia absłuhoŭvańnie kartak «Mir» taksama prypyniła Armienija. Pavodle źviestak ŚMI krainy, u trymalnikaŭ kartak nie atrymlivajecca abnajavić sumy ŭ bankamatach.
U Centrabanku Armienii patłumačyli, što kamiercyjnyja kredytnyja arhanizacyi samastojna prymuć pastanovy na fonie paviedamleńniaŭ pra sankcyi.