Alaksieja Navalnaha adpravili ŭ ŠIZA piaty raz zapar. Palityk znachodzicca tam užo amal paŭtara miesiaca
«Navalny znoŭ u ŠIZA. Jaho vypuścili z ŠIZA ŭčora paśla 15 sutak, adpravili na strohija ŭmovy ŭtrymańnia, i praz noč — znoŭ pasadzili ŭ štrafny izalatar na 12 sutak, dzie jon ciapier i znachodzicca», — raspaviała ŭ svaim telehram-kanale jaho pres-sakratarka Kira Jarmyš.
Pavodle jaje słoŭ, u administracyi kałonii palityku prosta skazali, što jaho adpravili ŭ štrafny izalatar z-za słoŭ pra mabilizacyju na minułym sudzie.
«Kali majo prava vystupić suprać hetaj złačynnaj mabilizacyi, praź jakuju dziasiatki tysiač ludziej zahinuć ni za što… Ja pasiadžu [za heta] 12 sutak i kolki jašče treba pasiadzieć. I vy svaim ŠIZA mnie rot nie zatkniacie. <…> Tamu što toje, što adbyvajecca ciapier, značna strašniej za 12 sutak… Pucin kryvioju źviazvaje sotni tysiač ludziej mabilizacyjami i refierendumami», — skazaŭ tady Navalny ŭ sudzie.
Ciapier idzie inšy sud z udziełam palityka. Navalny asprečvaje jaho pieršaje źmiaščeńnie ŭ ŠIZA 12 žniŭnia. Tady nahladčyki adpravili jaho ŭ štrafny izalatar za rasšpileny vierchni huzik na turemnaj robie.
