Palitviaźniami pryznanyja jašče 4 čałavieki. Usie jany asudžanyja za padtrymku Ukrainy
Pravaabaroncy pryznali palitviaźniami jašče čatyroch čałaviek. Heta Pavieł Piskun, Dzianis Sasunkievič, Anton Maluha i Andrej Masłaŭ, paviedamlaje pravaabarončy centr «Viasna».
Pavieł Piskun asudžany na dva hady za pieradaču źviestak i videa pra pieramiaščeńnie rasijskaj vajskovaj techniki pa terytoryi Biełarusi. Anton Maluha za toje ž atrymaŭ try hady kałonii. Dzianis Sasunkievič asudžany na dva hady pa abvinavačvańni ŭ sadziejničańni ekstremisckaj dziejnaści. A Andreja Masłava pazbavili voli na 2,5 hoda za padrychtoŭku da ŭdziełu ŭ vajnie na baku Ukrainy.
Usiaho pa stanie na siońnia ŭ Biełarusi naličvajecca 1346 palitviaźniaŭ, jakich pryznali takimi pravaabaroncy. Ale ŭvohule, kolkaść ludziej, jakija trapili za kraty pa palityčnych matyvach, značna bolšaja.
