Biełaruś znoŭ zabaraniaje vyvaz zbožža za miežy krainy
Urad Biełarusi na šeść miesiacaŭ, pačynajučy z 24 vieraśnia, zabaraniŭ vyvaz zbožža z krainy, u tym liku na terytoryju JEAES. Papiaredniaje paŭhadavoje abmiežavańnie dziejničała z 11 sakavika.
U pieralik tavaraŭ, jakija trapili pad zabaronu vyvazu, uvachodziać pšanica, žyta, jačmień, avios, kukuruza, prosa, hrečka, inšyja zbožžavyja — usiaho 19 najmieńniaŭ. Zabaronieny vyvaz u tym liku ŭ dziaržavy JEAES niezaležna ad krainy pachodžańnia.
Zabarona nie tyčycca tavaraŭ, jakija źjaŭlajucca humanitarnaj dapamohaj, vyvoziacca ŭ jakaści charčovych prypasaŭ abo na padstavie rašeńniaŭ urada, a taksama pieravoziacca praź Biełaruś tranzitam.
Raniej urad padoŭžyŭ na paŭhoda zabaronu na vyvaz niekatorych pramysłovych tavaraŭ, za vyklučeńniem pradukcyi biełaruskaha i rasijskaha pachodžańnia. U hetym pieraliku 254 nazvy tavaraŭ.