Niekatorym biełarusam admaŭlajuć u pryjomie zajaŭ na humanitarnuju vizu ŭ Polščy
Biełarusy, jakija žyvuć u Polščy, paviedamlajuć, što im admaŭlajuć u pryjomie zajaŭ na humanitarnuju vizu na terytoryi hetaj krainy. Supracoŭniki vizavaha centra abhruntoŭvajuć heta tym, što nibyta takija vizy mohuć atrymać tolki tyja hramadzianie Biełarusi, jakija zajechali ŭ Polšču z terytoryi Ukrainy paśla pačatku vajny, paviedamlaje Centr biełaruskaj salidarnaści.
Centr ličyć takija admovy niepravamiernymi i pracuje nad rašeńniem prablemy. Jon maje namier źviarnucca ŭ MZS Polščy i inšyja kampietentnyja orhany, atrymać jurydyčnuju interpretacyju zakona i nakiravać jaje ŭ vizavyja centry.
Centr prosić taksama pakul što nie źviartacca z hetymi pytańniami na jahonuju infaliniju, kab nie pierahružać jaje. Jak tolki jon budzie mieć novuju infarmacyju, to adrazu abiacaje padzialicca joj u sacyjalnych sietkach.
Raniej u Polščy było pryniata rasparadžeńnie ab vydačy nacyjanalnych viz inšaziemcam, jakija znachodziacca na terytoryi Polščy.
