Rasijskija «refierendumy» skončylisia prahnazavanymi vynikami
Kamisii pasłuchmiana namalavali jak vysokuju jaŭku, tak i ŭražvalny ŭzrovień hałasavańnia «za».
Na fota ź imitacyi padliku hałasoŭ ukrainskija telehram-kanały zaŭvažyli, što mnohija biuleteni navat nie prykładali pracy zapoŭnić
Pavodle aficyjnych źviestak, u «DNR» za dałučeńnie da Rasii «prahałasavali» 99,23% vybarščykaŭ, u «ŁNR» — 98,42%, u Zaparožskaj vobłaści — 93,11%, u Chiersonskaj — 87,05%.
Najbližejšymi dniami varta čakać, što rasijskija dziaržaŭnyja orhany adzin za druhim buduć pryznavać vyniki «volevyjaŭleńniaŭ» i zadavalniać «prośby» žycharoŭ akupavanych terytoryj ab pryjomie ich u Rasiju.
Chutčej za ŭsio, heta adbudziecca padčas zapłanavanaha Pucinym zvarotu da Fiederalnaha schodu 30 vieraśnia. Pasiadžeńnie Savieta Fiederacyi pryznačana na 4 kastryčnika.
Pra mižnarodnaje pryznańnie vynikaŭ hetaha «volevyjaŭleńnia» nijakaj havorki nie idzie. Maksimum, na kaho Rasija ŭ hetym płanie moža raźličvać — na całkam zaležnych ad jaje satelitaŭ kštałtu Łukašenki ci samaabvieščanyja dziaržavy, pryznanyja tolki joj samoj, nakštałt Abchazii i Paŭdniovaj Asiecii.
ci ŭsio pryznaje adnym skopam?