Znajści
Ałharytmičny łacinski varyjant
01.10.2022 / 18:351RusŁacBieł

Što pahladzieć. «Klea» — sieryjał pra ahientku Štazi

Novaje stahodździe padaryła nam šmat historyj pra žančyn, jakija vypraŭlajuć niespraviadlivaść: Bieatryks Kida ŭ «Zabić Biła», hierainia «Dziaŭčyny z tatuiroŭkaj drakona» abo Arja Stark z «Hulni tronaŭ». «Klea» — apošni prykład takoj historyi, jakaja jašče i adbyvajecca davoli blizka da nas.

Fota: Netflix

Hałoŭnaja hierainia sieryjała — maładaja niemka, jakuju zavuć Klea, dziorzkaja žančyna-kilerka. Jaje historyja pačynajecca niezadoŭha da padzieńnia Bierlinskaj ściany i nahadvaje stužki Tarancina «Biassłaŭnyja vyradki» i «Adnojčy ŭ Halivudzie», u jakich stvaralniki hulajuć z histaryčnymi faktami. Taki padychod nadaje kancu kamunistyčnaj epochi žartaŭlivaje adcieńnie, piša npr.org.

Na dvary 1987 hod, i Klea, unučka viadomaha dziaržaŭnaha dziejača HDR, pracuje najomnaj zabojcaj u sakretnaj palicyi — Štazi. Jana profi ŭ svajoj spravie, ale paśla adnaho z zadańniaŭ dziaŭčynu łžyva abvinavačvajuć u dziaržaŭnaj zdradzie i asudžajuć da pažyćciovaha. Ale padaje Bierlinski mur, i ŭsich palitviaźniaŭ u HDR vyzvalajuć. Paśla vychadu na volu Klea biarecca vyśvietlić, chto ž jaje zapratoryŭ za kraty, i prymusić ich zapłacić.

Jość čałaviek, jaki praśleduje Klea, ale ź ciaham času jon źmianiaje staŭleńnie da jaje. Heta Śvien, kudłaty palicejski z Zachodniaha Bierlina, jakoha nichto nie ŭsprymaje ŭsurjoz. Śvien prysutničaŭ pry apošnim zadańni, jakoje vykanała Klea, i z taho času byŭ apantany žadańniem znajści hetuju zabojcu. Ale ž Klea pahražaje niebiaśpieka, bo jaje ŭłasnaje rasśledavańnie pahražaje niekatorym nadzvyčajna ŭpłyvovym ludziam. Siarod ich i sapraŭdnyja histaryčnyja dziejačy, naprykład, kiraŭnik Štazi Erych Milkie.

Klea padarožničaje pa śviecie ŭ sprobach znajści taho, chto joj zdradziŭ. Jana i Śvien sutykajucca z zabojcami, dvajnymi ahientami, iłžyvymi siabrami, niekalkimi vypadkovymi durniami i tajamničym špijonam kitajskaha pachodžańnia z Zachodniaj Hiermanii, jaki nasamreč moža być samym razumnym čałaviekam u sieryjale.

Časam hieroi padajucca dzivakavatymi, ale heta ŭsio roŭna sakavitaja historyja. Častkova heta źviazana z tym, što hałoŭnyja akciory hrajuć prosta vydatna, i tamu ich piersanažy takija cikavyja: jak sama Klea, u jakoj razhublenaść spałučajecca z vyklučnaj biasstrašnaściu, tak i Śvien, jaki časam razdražniaje, ale ŭrešcie ačaroŭvaje i hledačoŭ, i Klea. U dadatak vam pryniasie asałodu starannaja rekanstrukcyja epochi. «Klea» dobra fiksuje kantrast pamiž zachodnimi niemcami ź ich praktyčnaściu i bahaćciem i pasłuchmianymi niemcami ŭschodnimi, jakija ŭsio jašče mocna pryviazanyja da kamunistyčnaj sistemy i nijak nie źmiracca ź jaje padzieńniem.

U takich historyjach zaŭsiody cikava, udasca narešcie hieroju adpomścić, ci jon vyrašyć, što varta ŭsio-taki ŭsim daravać. Skažam dakładna: Klea nie dumaje, što pomsta — strava, jakuju treba padavać chałodnaj.

Rejtynhi na vialikich mižnarodnych resursach:

IMDB — 7,5/10.

Rotten Tomatoes — 100% (pa mierkavańniach krytykaŭ).

Što pahladzieć. «Piasočny čałaviek» — adna z najlepšych fentezi-sah hetaha hoda

«Piać dzion paśla katastrofy» — sieryjał pra toje, jak dziaržava nie vyratavała padčas kataklizmu

Što pahladzieć. «Pacyjent» — zachaplalny i strašny tryler pra psichaterapiju

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
0
Ха-ха
2
Ого
1
Сумна
0
Абуральна
0
0
Pevar/adkazać/
02.10.2022
I vidieo priłožili s z .Kuł
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930