U Mikałajevie ŭ vyniku načnoha abstrełu razburana dzieviacipaviarchoŭka, pad zavałami ludzi
Ułady Mikałajeva paviedamlajuć, što ŭ noč na piatnicu rasijskija vojski nanieśli pa horadzie rakietny ŭdar, byŭ razburany dzieviacipaviarchovy žyły dom, pad zavałami mohuć znachodzicca ludzi.
Nastupstvy abstrełu Mikałajeva. Skryn videa
Kiraŭnik Mikałajeŭskaj abładministracyi Vital Kim napisaŭ u telehramie, što ŭ rajonie horada prahučali siem vybuchaŭ, pry hetym pa mienšaj miery dva ź ich za miežami haroda. Dźvie rakiety, pavodle jaho, patrapili pa žyłym rajonie, adna ź ich — u dzieviacipaviarchovik. «Surjoznyja paškodžańni, pad zavałami ludzi», — piša Kim.
Da hetaha namieśnik kiraŭnika Ofisa prezidenta Ukrainy Kirył Cimašenka napisaŭ, što Nikałajeŭ i Adesa padvierhlisia ŭdaru bieśpiłotnikaŭ-kamikadze. Pavodle jaho danych, u Mikałajevie «jość papadańnie BPŁA ŭ horadzie i abjekty infrastruktury ŭ vobłaści».
Pavodle Cimašenka, kala Adesy ŭkrainskaja supraćpavietranaja abarona źbiła try bieśpiłotniki.