MZS Armienii vyklikała pasła Biełarusi z-za vykazvańniaŭ Makieja pra vizit Pełosi ŭ Jerevan
U MZS Armienii vyklikali niezadavalnieńnie słovy ministra zamiežnych spraŭ Biełarusi Uładzimira Makieja pra toje, što takija vizity, jak vizit Pełosi, pryvodziać da abvastreńnia kanfliktaŭ. Pasła Biełarusi ŭ Armienii Alaksandra Kaniuka vyklikali ŭ MZS, paviedamlaje sajt MZS hetaj krainy.
Nadzvyčajny i Paŭnamocny Pasoł Respubliki Biełaruś u Respublicy Armienija Alaksandr Kaniuk. Fota: armenia.mfa.gov.by
«Kiraŭnik dypłamatyčnaj misii Biełarusi ŭ Armienii byŭ zaprošany ŭ MZS RA, dzie jamu byli pieradadzienyja zakłapočanaść i mierkavańni armianskaha boku z nahody zajavy», — havorycca ŭ paviedamleńni.
Śpikier Pałaty pradstaŭnikoŭ ZŠA Nensi Pełosi 17 vieraśnia prylacieła ŭ Armieniju. Da hetaha krainu nie naviedvali amierykanskija čynoŭniki takoha vysokaha ranhu.
«Padobnaha kštałtu vizity buduć źviazanyja nie z prymireńniem tych ci inšych kanfliktaŭ, heta majo hłybokaje pierakanańnie, a, naadvarot, z abvastreńniem», — prakamientavaŭ vizit Pełosi ministr zamiežnych spraŭ Biełarusi Uładzimir Makiej.