Na Urale pamierli troje mabilizavanych

U Jałanskim harnizonie navučalnaha centra Minabarony Rasii ŭ pasiołku Parošyna Śviardłoŭskaj vobłaści pamierli troje mužčyn, pryzvanych u vojska padčas mabilizacyi. Pra heta paviedamlaje vydańnie JEAN sa spasyłkaj na krynicu i deputata Dziarždumy ad rehijona Maksima Ivanova.

«Tak, paćviardžaju, užo troje zahinułych. Adzin mabilizavany pamior ad prystupu, a druhi ździejśniŭ samahubstva. Treciaha śpisali i adpravili dadomu, dzie jon adrazu pamior ad cyrozu piečani», — zajaviŭ žurnalistam deputat.

Raniej telehram-kanały paviedamlali, što 1 kastryčnika ŭ stałovaj navučalnaha tankavaha centra vajskovaj častki ŭ śviardłoŭskim pasiołku Parošyna znajšli cieła 46-hadovaha mabilizavanaha z Kurhana. Pa papiarednich źviestkach, jon skončyŭ žyćcio samahubstvam.

Paśla hetaha ŭ Parošynie ŭviali suchi zakon, bo «mabilizavanyja pastajanna złoŭžyvali ałkaholem».

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

7

60

26

6

6

6