Žurnalista Dźmitryja Siemčanku aryštavali na 13 sutak
Pra toje, što były supracoŭnik dziaržaŭnaha telekanała ANT Dźmitryj Siemčanka adbyvaje ciapier aryšt u 13 sutak, raskazali jahonyja svajaki vydańniu «Miedyjazona».
Sud prachodziŭ pa spravie ab raspaŭsiudzie «ekstremisckich materyjałaŭ» (artykuł 19.11 KaAP).
16 vieraśnia sud užo aryštoŭvaŭ Siemčanku na 15 sutak pa abvinavačvańni ŭ drobnym chulihanstvie (artykuł 19.1 KaAP), a jahonuju žonku Juliju aštrafavaŭ na 960 rubloŭ za «reposty z «ekstremisckich kanałaŭ». Za što mienavita sudzili tady Siemčanku i pa jakim artykule aštrafavali jaho žonku — nie ŭdakładniałasia.
U žniŭni 2020 hoda Dźmitryj Siemčanka zvolniŭsia z telekanała ANT, dzie ŭznačalvaŭ prezidencki puł žurnalistaŭ. U vieraśni 2020 hoda jaho aryštavali na 15 sutak za ŭdzieł u akcyi pratestu.
