U Salihorsku pravaliłasia ŭ kanalizacyjny kalektar śpiecmašyna vodakanała
Śpiecyjalny aŭtamabil «Salihorskvodakanała» pravaliŭsia pad ziamlu prosta na darozie. Zdareńnie adbyłosia siońnia, paviedamiŭ miascovy telekanał «STK».
Jak rastłumačyŭ kanału hałoŭny inžynier pradpryjemstva «Salihorskvodakanał» Vasil Łaŭrankoŭ, na ŭčastku, dzie ŭtvaryŭsia pravał, abrynuŭsia kanalizacyjny kalektar dyjamietram 700 mm paśla vialikich liŭnievych daždžoŭ.
Da hetaha kalektar zamianili na polietylenavy, z-za vialikich daždžavych ściokaŭ abvaliŭsia zvod truby. Ciapier «Salihorskvodakanał» budzie całkam mianiać kalektar. Na heta spatrebiacca 3-4 tydni.
U pramyinu trapiła kambinavanaja hlejasosnaja mašyna biełaruskaj vytvorčaści na bazie šasi MAZ. Ź jaje dapamohaj adpampoŭvajuć vadkija adchody z vyhrabnych jamaŭ, kałodziežaŭ kanalizacyi i roznych adstojnikaŭ.
