Minčanku asudzili da kałonii za videa ŭ tyk-toku i ŭdzieł u akcyjach pratestu
U sudzie Frunzienskaha rajona Minska z 3 kastryčnika razhladałasia sprava Darji Łyčkoŭskaj. Jaje abvinavacili va ŭdziele ŭ hrupavych dziejańniach, jakija hruba parušajuć hramadski paradak (č. 1 art. 342 Kryminalnaha kodeksa) pa čatyroch epizodach. Siońnia sudździa Alena Bušava pryznačyła Łyčkoŭskaj dva hady kałonii va ŭmovach ahulnaha režymu, piša «Viasna».
Darju Łyčkoŭskuju zatrymali 16 červienia. Spačatku dziaŭčynu asudzili pa administracyjnaj spravie na 11 sutak. Paśla aryštu Darja pajechała ŭ RUUS, kab zabrać telefon, ale tam jaje pierazatrymali pa kryminalnaj spravie. Padstavaj dla ŭzbudžeńnia spravy stali fota ź mirnych akcyj pratestu ŭ 2020 hodzie, videa ŭ tyk-toku i pryvatnyja pierapiski.
Sudździa Alena Bušava 5 kastryčnika ahučyła prysud Darji: dva hady pazbaŭleńnia voli va ŭmovach ahulnaha režymu.
