Upieršyniu ŭ historyi krainy spartyŭnaje miedyja zahavoryć pa-biełarusku. «Trybuna» pierachodzić na rodnuju movu
Pra toje, što Trybuna» budzie pierachodzić na biełaruskuju movu, zajaviŭ hienieralny dyrektar i suzasnavalnik miedyjachołdynha Tribuna Digital Dźmitryj Navoša.
Dźmitryj Navoša. Fota: s0.rbk.ru
— Upieršyniu spartovaje miedyja zahavoryć pa-biełarusku. Upieršyniu ŭvohule ŭ historyi krainy. Mnie padabajecca hety trend [na adradžeńnie biełaruskaj movy]. Ja nie ŭpeŭnieny, što heta ŭsio, što my možam rabić. I ja dumaju, što my ŭsio roŭna nie pavinny pierachodzić da moŭnaha fašyzmu. Ruskamoŭnyja biełarusy hetak ža nienavidziać Łukašenku, jak i biełaruskamoŭnyja, i hetak ža chočuć narmalnaj krainy.
Vielmi važna nie zahaniać siabie ŭ hieta. Łukašenka ŭvieś čas sprabuje zahnać nas u hieta. Jany ŭvieś čas sprabujuć voś jak by: zmahary, paŭpalaki i ŭsiakaje takoje. Važna adychodzić ad hetaj pastki. Ale trend na adradžeńnie biełaruskaj movy mnie vielmi padabajecca.
Pavodle Navošy, ruskamoŭny kantent taksama zachavajecca.
— Navat va Ukrainie «Trybuna» nie pierajšła tolki na ŭkrainskuju. Jość i ruskamoŭny kantent. Adkaz prosty: kab ukraincy nie čytali ruskija miedyja. Jość ukraincy, jany isnujuć, jany vajujuć, u tym liku na froncie. Chtości addaje pieravahu ruskaj movie da hetaha času. Niahledziačy na kałasalny impuls pa papularyzacyi i prasoŭvańni ŭkrainskaj movy, — skazaŭ Navoša.
