Zadača na łohiku: try vyklučalniki i adna lampačka

My praciahvajem publikavać nieskładanyja zadačy dla treniroŭki mozhu. Hetym razam novaja zadača ad Popular Mechanics.

Zadača

Unutry šafy jość lampačka. Dźviery začynienyja, i praź ich niemahčyma ŭbačyć, uklučana śviatło ci nie. Adnak pa ŭmovach zadačy vy viedajecie, što na starcie lampačka nie haryć. 

Zvonku šafy jość try vyklučalniki. Adzin z vyklučalnikaŭ kiruje lampačkaj u šafie. Vy možacie krucić vyklučalnikami jak zaŭhodna, ale ŭ vas jość tolki adna sproba, kab adčynić dźviery šafy. Jak tolki vy ich adčynicie, dakranacca da vyklučalnikaŭ bolš nielha. Jak biez sumnievu vyznačyć, jaki pieraklučalnik kiruje śviatłom?

Papstrykajcie hetymi pieraklučalnikami i praviercie rašeńnie nižej pad fota.

Fota: vecteezy

Rašeńnie

Pieraklučycie pieraklučalnik numar 1 i pačakajcie niekalki chvilin. Viarnicie pieraklučalnik numar 1 u zychodnaje stanovišča, a zatym adrazu ž pieraklučycie pieraklučalnik numar 2.

Adčynicie dźviery. Kali śviatło haryć, to im kiruje pieraklučalnik numar 2. Kali śviatło nie haryć, padydzicie i pamacajcie lampačku rukoj. Kali lampačka haračaja, joj kiruje pieraklučalnik numar 1, a kali lampačka chałodnaja, to kiruje vyklučalnik numar 3, da jakoha vy nie dakranalisia.

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

61

19

25

9

4

2