Deputaty pryniali zakonaprajekt ab amnistyi
Zakon ab amnistyi pryniali 10 listapada ŭ dvuch čytańniach deputaty Pałaty pradstaŭnikoŭ Nacyjanalnaha schoda. Palityčnych jon nie zakranie.
Pavodle papiarednich danych, pry realizacyi zakonaprajekta praduhledžvajecca vyzvalić ad roznych vidaŭ pakarańniaŭ 4545 asudžanych, u tym liku ź miescaŭ pazbaŭleńnia voli — 1,6 tys. (ź ich 10 niepaŭnaletnich), z papraŭčych ustanoŭ adkrytaha typu — 500, z kryminalna-vykanaŭčych inśpiekcyj — 2445. Akramia taho, miarkujecca skaracić termin pakarańnia na 1 hod 3950 asudžanym, ź ich 2,5 tys. asob, jakija adbyvajuć pakarańnie ŭ papraŭčych ustanovach, 350 — u papraŭčych ustanovach adkrytaha typu, 1,1 tys. — u kryminalna-vykanaŭčych inśpiekcyjach.
Raniej paviedamlałasia, što zakonaprajekt nie zakranie palityčnych źniavolenych: biełarusaŭ, jakija ŭdzielničali ŭ pratestach 2020 hoda, a taksama tych, kaho pryznali vinavatymi pa złačynstvach, źviazanych z «ekstremizmam i teraryzmam».
Apublikavany prajekt zakona ab amnistyi. Palityčnym ničoha nie śviecić
