Paśla vizitaŭ Pryhožyna z rasijskich kałonij «źnikli» bolš za 13 tysiač zekaŭ
Za kastryčnik nasielnictva rasijskich kałonij skaraciłasia na 13 tysiač čałaviek, piša «Ahientstvo.Novosti» sa spasyłkaj na źviestki FSVP. Pry hetym prykładna stolki ž čałaviek pakinuli kałonii ŭ cełym za papiarednija 9 miesiacaŭ.
Jaŭhien Pryhožyn paśla vystupleńnia pierad źniavolenymi adnoj z rasijskich kałonij
Skačok rezka kantrastuje z pakazčykami pačatku hoda, kali PVK «Vahnier» jašče nie vierbavała źniavolenych na vajnu va Ukrainie.
Naprykład, u studzieni kolkaść asudžanych u kałonijach źmienšyłasia ŭsiaho na 1086 čałaviek, u lutym — na 814 čałaviek, a ŭ sakaviku — na 887 čałaviek. U krasaviku nasielnictva kałonij, naadvarot, pavialičyłasia na 453 čałavieki.
Pieršaj vierbavać ludziej u kałonijach na vajnu pačała PVK «Vahnier» Jaŭhiena Pryhožyna, pra heta stała viadoma letam 2022 hoda.
