Samy darahi paśla Minska horad — Brest, a samy zapatrabavany — Hrodna
Brest na praciahu apošnich 4 hadoŭ — lidar pa siaredniaj canie kvadratnaha mietra siarod biełaruskich abłasnych centraŭ. U hetym horadzie kvadratny mietr šmatkvaternaha žylla kaštuje ŭ siarednim 760 dalaraŭ, tady jak, naprykład, U Homieli i Mahilovie — 590. Takija danyja Nacyjanalnaha kadastravaha ahienctva za 3 kvartał 2022 hoda.
Brest. Fota: my-travel-diary.by
Brest razam ź Viciebskam taksama staŭ lidaram pa roście cenaŭ kvadratnaha mietra za kvartał.
Ale samym zapatrabavanym horadam źjaŭlajecca Hrodna — tut pradajecca bolš za ŭsio kvater. Za treci kvartał u Hrodnie było ździejśniena 659 ździełak kupli-prodažu žylla. U hetym ža horadzie znachodzicca samaje darahoje žyllo: 3-pakajovaja kvatera płoščaj 150 mietraŭ była pradadzienaja za 156 tys. dalaraŭ. Samym darahim kvadratnym mietram (1675 dalaraŭ) vałodała 1-pakajovaja kvatera ŭ 25,8 kv. mietraŭ na vulicy Savieckaj.
Što tyčycca aŭtsajdaraŭ, to im akazaŭsia Mahiloŭ. Tut za treci kvartał ździejśniena tolki 432 ździełki pa kvaterach.
