Dla ŭładalnikaŭ sabak płanujuć padniać padatak. Kolki jon budzie składać
Dla ŭładalnikaŭ sabak majuć namier u 2023 hodzie pierahledzieć padatki ŭ bok pavyšeńnia. Heta prapisana ŭ prajekcie źmianieńniaŭ u Padatkovy kodeks, piša «Zierkała».
Hety zbor pavinny płacić tyja, čyim sabakam bolš za try miesiacy. Jaho treba ŭnosić adzin raz u try miesiacy. Ciapier staŭka hetaha zboru składaje 9,3 rubla, a za patencyjna niebiaśpiečnyja parody sabak — 46,5 rubla.
Prajektam źmianieńniaŭ u Padatkovy kodeks praduhledžana, što pamiery hetych zboraŭ mohuć vyraści da 11,1 rubla i 55,5 rubla adpaviedna.
Kab płacić padatak za sabaku, jaje treba zarehistravać. Heta možna zrabić u ŽEU pa miescy žycharstva. Rachunak za ŭtrymańnie sabaki vystaŭlajuć u žyroŭkach na apłatu kamunalnych pasłuh.
Za niavypłatu padatku za vałodańnie sabakami, jak i luboha inšaha padatku, možna atrymać štraf. Kali nie zarehistravać, možna atrymać štraf da 15 bazavych, abo 480 rubloŭ.
Padatkovyja źmieny jašče nie pryniatyja. Pry hetym zaćvierdžany kančatkovy varyjant pravak čynoŭnikaŭ u Padatkovy kodeks moža adroźnivacca ad papiarednich viersij pravak u hety dakumient.