Pucin sustreŭsia z «maci mabilizavanych». Žurnalisty vyjavili, što jany kišennyja
25 listapada pres-słužba Kramla paviedamiła, što prezident Rasii Uładzimir Pucin sustreŭsia z maci vajskoŭcaŭ — udzielnikaŭ vajny va Ukrainie. Sustreča prajšła ŭ rezidencyi prezidenta ŭ Nova-Aharovie. Ale niezaležnyja vydańni, prahledzieŭšy videasiužet, sumniajucca, što žančyny, jakija prysutničali na sustrečy, — sapraŭdy tyja, za kaho siabie vydajuć.
Miarkujučy pa videazapisach, jakija raspaŭsiudziła pucinskaja pres-słužba, u sustrečy ŭdzielničali 18 žančyn. Vydańnie «Možiem objaśniť» śćviardžaje, što identyfikavała niekalkich udzielnic sustrečy. Siarod ich — maskoŭskaja čynoŭnica i deputatka-adzinaroska Volha Bielcava, kiraŭnica vykankama «ahulnarasijskaha Narodnaha Frontu» ŭ Padmaskoŭi Julija Bielechava i člen Hramadskaj pałaty horada Arechava-Zujeva Maryna Mihunova.
Pavodle infarmacyi vydańnia, bližej za ŭsich da Pucina siadzieła režysior Alesia Šyhina, jakaja zdymaje pravasłaŭnaje patryjatyčnaje kino.
Ci sapraŭdy svajaki hetych praŭładnych žančyn vajujuć va Ukrainie, dakładna nieviadoma.
Raniej udzielnicy hramadskaha ruchu «Rada maci i žonak», jaki abjadnoŭvaje svajačak mabilizavanych i vajskoŭcaŭ terminovaj słužby, raskrytykavali administracyju prezidenta, što nikoha ź ich nie zaprasili na sustreču. Arhanizatarka rady Volha Cukanava tady dapuskała, što na mierapryjemstva zaprosiać tolki «kišennych maci».
vsie na pozitivie... i vierchi na pozitivie, i nizy tožie - youtube.com/watch?v=eKxv5Jr6dMU
čto oni tam kuriat voobŝie?