Stała viadoma, kali ŭ Minsku ŭklučać śviatočnuju iluminacyju
U stalicy pačnuć uklučać śviatočnuju iluminacyju i navahodnija hirlandy na jołkach 15 śniežnia.
Navahodniaja jołka ŭ śniežni 2019 hoda
Pra heta staršynia Minharvykankama Uładzimir Kucharaŭ raspavioŭ na pramoj telefonnaj linii.
Pa jaho słovach, ustanoŭka śviatočnaha aśviatleńnia i tematyčnych kanstrukcyj, upryhožvańnie horada zaraz u samym razhary. Usiaho pa rajonach Minska raźmieściać 26 štučnych jołak. Adna z samych pryhožych, jak abiacajuć haradskija ŭłady, budzie na płoščy Niezaležnaści kala Doma ŭrada. Jaje ŭpryhožać šarami i dyzajnierskimi fihurkami śvietłavych trusikaŭ — simvałaŭ budučaha hoda.
A hałoŭnaja jołka krainy zojmie svajo miesca na Kastryčnickaj płoščy. Chutka pačniecca mantaž 30-mietrovaha karkasa. Jołka stanie centralnym elemientam kazačnaha haradka ź cieramkami, ažurnymi arkami i inšymi ŭpryhožvańniami.
