Zialenski: Da kanca hoda straty rasijskaj armii va Ukrainie dasiahnuć 100 tysiač čałaviek
Prezident Ukrainy Uładzimir Zialenski ličyć, što da kanca hoda straty rasijskaj armii va Ukrainie dasiahnuć 100 tysiač čałaviek.
«Jašče sioleta Rasija stracić zabitymi 100 tysiač svaich sałdat, i tolki Bohu viadoma, kolki najmitaŭ. A Ukraina budzie stajać. A śviet budzie rabić usio, kab kožny, chto vinavaty ŭ hetaj złačynnaj vajnie, apynuŭsia na łavie padsudnych», — zajaviŭ prezident Ukrainy ŭ viačernim videazvarocie.
Zialenski pryznaŭ taksama, što situacyja na froncie zastajecca składanaj. Ź jahonych słoŭ, niahledziačy na vialikija straty, rasijskaje vojska ŭsio jašče sprabuje nastupać u Danieckaj vobłaści, zamacavacca na Łuhanščynie i nie pakidaje sprobaŭ prasunucca ŭ Charkaŭskaj vobłaści.
«Ale my trymajem abaronu i, hałoŭnaje, nie dajom vorahu ažyćciavić svaje namiery. Jany kazali, što zachopiać Danieckuju vobłaść viasnoj, letam, vosieńniu. Na hetym tydni pačynajecca zima. Jany pakłali tam svaju rehularnuju armiju, jany štodnia hublajuć sotni mabilizavanych i najmitaŭ», — skazaŭ jon.
Pa danych USU na kaniec listapada, usiaho z pačatku poŭnamaštabnaha ŭvarvańnia 24 lutaha rasijskaja armija straciła kala 88 tysiač vajskoŭcaŭ. Minabarony Rasii ŭ kancy vieraśnia aceńvała svaje straty amal u 6 tysiač čałaviek.
