Alehu Hruździłoviču ŭručyli litoŭskuju premiju «Nadzieja Svabody»
Na Forumie volnaj žurnalistyki, jaki adbyvajecca hetymi dniami ŭ Vilni, žurnalistu Radyjo Svaboda Alehu Hruździłoviču, jakoha niadaŭna vyzvalili z kałonii ŭ Biełarusi, uručyli premiju «Nadzieja Svabody», paviedamlaje Biełaruskaja asacyjacyja žurnalistaŭ. Uznaharodu ŭručaŭ deputat Siejma Litvy, staršynia kamiteta Siejma Litvy pa ekanomicy Kazimiras Starkiavičus.
Hruździłoviča adznačyli premijaj za addanaść abaviazku žurnalista. Za svaju pracu reparcior Radyjo Svaboda pravioŭ u źniavoleńni niekalki miesiacaŭ — ad śniežnia 2021 pa vierasień 2022 hoda.
Litoŭskaja premija «Nadzieja Svabody» pryznačajecca biełaruskim niezaležnym žurnalistam druhi hod zapar. Letaś jaje łaŭreatami stali Kaciaryna Barysievič, Alena Tałkačova, Taćciana Karaviankova, Kaciaryna Andrejeva i Darja Čulcova.