Ministr adukacyi raskazaŭ pra terminy praviadzieńnia ŭstupnaj kampanii ŭ 2023 hodzie
Centralizavanyja ekzamieny projduć z 14 pa 21 maja, piša «Źviazda».
Pavodle jaho słoŭ, u lutym — sakaviku 2023 hoda projduć univiersiteckija i respublikanskija etapy pradmietnych alimpijad, pieramožcy jakich atrymajuć prava na zaličeńnie ŭ VNU bieź ispytaŭ. Adpaviedna, u hety časavy pieryjad budzie praviedziena ich zaličeńnie ŭ VNU.
Dalej z 14 pa 21 maja, da zakančeńnia navučalnaha hoda, projduć centralizavanyja ekzamieny. Da 12 červienia — zaličeńnie na metavuju formu padrychtoŭki.
«Čamu heta tak važna? Minułaja ŭstupnaja kampanija pakazała: kali adnačasova idzie pryjom dakumientaŭ na metavuju formu padrychtoŭki i na biudžetnyja miescy… Kali małady čałaviek bačyŭ, što ŭ jaho dastatkovaja kolkaść bałaŭ dla pastupleńnia na biudžet, jon moh zabrać dakumienty z metavaj formy padrychtoŭki i pierajści na zvyčajnaje navučańnie», — rastłumačyŭ ministr. Z ulikam prapanavanych terminaŭ praviadzieńnia ŭstupnaj kampanii vybar metavaj formy padrychtoŭki budzie bolš uśviadomlenym.
Nieabaviazkovy ekzamien u formie centralizavanaha teściravańnia, jaki patrebny vypusknikam dla pastupleńnia ŭ profilnuju VNU, možna budzie zdać paśla 12 červienia. Dalej zaličeńnie ŭ VNU projdzie ŭ tyja ž terminy, što i ŭ minułym hodzie.
Paśla skančeńnia adzinaccaci kłasaŭ vypuskniki buduć zdavać dva centralizavanyja ekzamieny
