ZŠA dapuskajuć, što Rasija moža adstupić z Ukrainy biez padpisańnia miru
Dziaržsakratar Entani Blinkien zajaviŭ 6 śniežnia, što Rasija moža šukać varyjant advodu vojskaŭ z Ukrainy biez zaklučeńnia mirnaj damovy.
Entani Blinkien, śniežań 2020. Fota: AP Photo / Manuel Balce Ceneta
Vystupajučy na WSJ CEO Council Summit, spadar Blinkien skazaŭ, što ŭrad Ukrainy maje sam vyrašać, jak dalej dziejničać i na jakich umovach vajna moža spynicca, ale kiraŭnik dypłamatyčnaha viedamstva ZŠA taksama papiaredziŭ, što Rasija moža šukać psieŭdapieramirja, kab adnavić siły, nazapasić srodki, pierahrupavacca i paŭtorna atakavać.
«Heta adna z mahčymaściej — što rasijanie buduć šukać mahčymaści vychadu», — skazaŭ Blinkien.
«Pakul Rasija nie prademanstruje, što jana zacikaŭlena ŭ realnym dypłamatyčnym rašeńni, heta nie rašeńnie, — skazaŭ Blinkien. — Nam treba bačyć spraviadlivy i tryvały mir, a nie psieŭdamir».
Spadar Blinkien nie ŭdakładniŭ, pry jakich umovach moža skončycca vajna i jak kanflikt moža raźvivacca dalej.
«Hałoŭnaje, što ŭkraincy majuć sami vyrašajuć, čaho jany chočuć», — skazaŭ jon.