U PVK «Vahnier» paprasiŭsia były sałdat, jaki ŭ 2019-m zabiŭ vosiem sasłužyŭcaŭ
Były sałdat terminovaj słužby Ramil Šamsutdzinaŭ, jaki adbyvaje pakarańnie za zabojstva 8 tavaryšaŭ pa słužbie, pasprabavaŭ zapisacca ź Ciumienskaj kałonii ŭ PVK «Vahnier». Jon zapisaŭsia ŭ viarboŭščykaŭ u dobraachvotniki na vajnu z Ukrainaj, paviedamlaje Baza.
Šamsutdzinaŭ trapiŭ u śpis pryvatnaj vajskovaj kampanii, ale jaho nie ŭziali. Jamu skazali, što «narodu ŭžo i tak šmat» i jon pakul nie patrebien.
Sprava Šamsutdzinava ŭ svoj čas była vielmi hučnaj, pra jaje nieadnarazova pisała i «Naša Niva». U 2019 hodzie jon zastreliŭ svaich tavaryšaŭ pa słužbie ŭ Zabajkalskim krai, dzie prachodziŭ terminovuju słužbu.
Padčas źmieny varty ŭ pasiołku Horny radavy ŭziaŭ aŭtamat AK-74 i rasstralaŭ vosiem čałaviek, jašče dvoje atrymali ranieńni. Paśla stralby Šamsutdzinaŭ zdaŭsia. Advakat sałdata tady kazaŭ, što jon padviarhaŭsia fizičnamu i maralnamu hvałtu.
U pačatku 2021 hoda sud pryznaŭ Šamsutdzinava vinavatym u masavym zabojstvie. Jaho prysudzili da 24,5 hoda pazbaŭleńnia voli ŭ kałonii strohaha režymu.
Čytajcie taksama:
U Rasii sałdatu, jaki zabiŭ vosiem sasłužyŭcaŭ, dali 24,5 hoda źniavoleńnia
«Aficery Rasii» znajšli vinu videahulniaŭ u zabojstvie sałdat u Zabajkalli
Minabarony Rasii nazvała ŭkidam viersiju pra pahrozy zhvałtavać sałdata, jaki rasstralaŭ 8 sasłužyŭcaŭ
U Rasii sałdat-tataryn rasstralaŭ 8 sasłužyŭcaŭ, bo jany chacieli jaho zhvałcić
Pryčynaj kryvavaj bojni ŭ rasijskaj vajskovaj čaści nazvali dziedaŭščynu
