U 58 hadoŭ pamior futbalist Džanłuka Vijali
Džanłuka Vijali pamior ad raku padstraŭnikavaj załozy.
Fota: AP/Luca Bruno
Dyjahnaz byŭ pastaŭleny piać hadoŭ tamu, paśla čaho Vijali prajšoŭ 17-miesiačny kurs chimijaterapii. Tady były spartoviec kazaŭ, što jamu ŭdałosia pieramahčy rak, adnak u 2021 hodzie chvaroba viarnułasia. U kancy 2022 hoda jaho stan pahoršyŭsia i apošnija dni svajho žyćcia jon pravioŭ u balnicy.
Džanłuka Vijali vystupaŭ za «Juvientus», «Čełsi», «Sampdoryju» i «Kremaneze».
Jon byŭ bronzavym pryzioram čempijanatu śvietu ŭ 1990 hodzie i čempijanatu Jeŭropy ŭ 1988 hodzie, a ŭ składzie «Juvientusa» italjanski forvard vyjhravaŭ Lihu čempijonaŭ.
U «Čełsi» Vijali niekalki hadoŭ sumiaščaŭ pasady treniera i hulca. Heta adzin ź niamnohich vypadkaŭ u historyi futboła na takim vysokim uzroŭni.
