Stała viadoma, kali ŭstupić u siłu novy zakon ab hramadzianstvie
Na Nacyjanalnym pravavym internet-partale apublikavali novy Zakon «Ab hramadzianstvie Respubliki Biełaruś». Pavodle novaj redakcyi pazbaŭlać biełaruskaha hramadzianstva zmohuć nie tolki «ekstremistaŭ».
«Hramadzianstva Respubliki Biełaruś stračvajecca z pryčyny pastupleńnia asoby na vajskovuju słužbu, słužbu ŭ palicyju, orhany biaśpieki, justycyi ci inšyja dziaržaŭnyja orhany zamiežnaj dziaržavy», havorycca ŭ apublikavanym zakonie.
Pavodle hetaj navieły, pazbavicca biełaruskaha hramadzianstva mohuć dobraachvotniki, jakija biaruć udzieł u vajnie va Ukrainie. U zakonie pišacca pra tych, chto vajuje z abodvuch bakoŭ. Ale, chutčej za ŭsio, heta budzie tyčycca tych, chto vajuje na baku Ukrainy.
Norma ab pazbaŭleńni hramadzianstva Biełarusi tych, chto asudžany za «ekstremisckuju dziejnaść» i znachodzicca za miežami krainy, zastałasia raniejšaj. Heta datyčycca i tych, chto źjaŭlajecca hramadzianinam Biełarusi pa naradžeńni i nie maje pašpartoŭ inšych dziaržaŭ.
Źmienieny zakon ab hramadzianstvie ŭstupaje ŭ siłu praz šeść miesiacaŭ paśla jaho aficyjnaha apublikavańnia. Heta značyć u lipieni 2023 hoda.