Łukašenka pryznačyŭ u vojska novaha adkaznaha za bajavuju padrychtoŭku
Načalnikam Hałoŭnaha ŭpraŭleńnia bajavoj padrychtoŭki Uzbrojenych sił Biełarusi pryznačany hienierał-major Alaksandr Bas. Adpaviedny ŭkaz padpisaŭ 12 studzienia Alaksandr Łukašenka, paviedamlaje jahonaja pres-słužba.
Raniej Alaksandr Bas zajmaŭ pasadu namieśnika kamandujučaha vojskami Zachodniaha apieratyŭnaha kamandavańnia Uzbrojenych sił.
Hetamu hienierału 51 hod, jon pachodzić z Chotamla Stolinskaha rajona. Adukacyju atrymaŭ u Čalabinskim vyšejšym tankavym kamandnym vučyliščy, jakoje skončyŭ u 1992 hodzie, a ŭ 2002-m atrymaŭ dypłom i paśla zakančeńnia kamandna-štabnoha fakulteta Vajennaj akademii Biełarusi.
Raniejšy načalnik Hałoŭnaha ŭpraŭleńnia bajavoj padrychtoŭki, hienierał-major Andrej Niekraševič, byŭ zvolnieny 21 śniežnia 2021 hoda z vajskovaj słužby ŭ zapas pa ŭzroście.