U Rasii śviatar trapiŭ u skandał, pahraziŭšy na pachavańni «nabić mordu kadziłam» VIDEA
Jak paviedamlaje telehram-kanał «Ńjusač/Dvač», incydent adbyŭsia ŭ vioscy Niakludava Biełharadskaj vobłaści padčas pachavańnia pažyłoj žančyny. Unuk pamierłaj paprasiŭ baciušku «nie ładzić kancert», a ŭ adkaz pačuŭ: «Vyjdzi von, kazioł, inakš ja tabie nabju mordu kadziłam».
Bolš za toje, śviatar nazvaŭ čałavieka, jaki sprabavaŭ źniać hety incydent na videa, «ubludkam».
Jeparchija musiła zreahavać na skandał i rasparadziłasia adpravić papa ŭ manastyr na niavyznačany čas, dzie jon pavinien «parazvažać nakont zroblenaha». Baciuška vinu pryznaŭ i pahadziŭsia na pakarańnie.
«Śviatar sustreŭsia sa svajakami pamierłaj, jany pahutaryli, pretenzij niama, paprasili nanoŭ pravieści adpiavańnie. Abaraniać baciušku nichto nie staŭ, pieršapačatkova naša pazicyja była takoj. Baciuška pakarany, choć jon vielmi šanavany ŭ vioscy. Fakt vielmi niepryjemny», — zajavili ŭ jeparchii.