Niamiecki kancern Rheinmetall hatovy pieradać Ukrainie 139 tankaŭ «Leapard». Ale nie adrazu
Niamiecki vajskova-pramysłovy kancern Rheinmetall hatovy pieradać Ukrainie 139 tankaŭ «Leapard», jak tolki dazvoł na heta daść urad Niamieččyny. Adnak ź ich tolki paŭsotni buduć sučasnymi «Leapardami 2», i bolšuju častku ich nie atrymajecca pieradać raniej, čym praz hod.
Fota: AP Photo/Michael Sohn
Pres-sakratar Rheinmetall skazaŭ niamieckaj miedyja-hrupie RND, što kancern budzie hatovy pieradać 29 «leapardaŭ 2A4», pryznačanych dla «kruhavoha abmienu», z krasavika pa maj hetaha hoda.
Na ramont jašče 22 «Leapardaŭ» toj ža madyfikacyi, pa słovach pres-sakratara, pojdzie amal hod, i pieradać ich atrymajecca ŭ kancy 2023-ha abo na pačatku 2024 hoda.
Akramia taho, Rheinmetall moh by pieradać jašče 88 starych «Leapard-1». Ci hatovyja jany da ekspłuatacyi, i kali nie, to kali buduć hatovyja, pres-sakratar nie ŭdakładniŭ.
