Haradzienca asudzili za abrazu i pahrozu prymianieńnia hvałtu ŭ dačynieńni da supracoŭnika milicyi
Sud Leninskaha rajona Hrodna 23 studzienia vynies prysud Daniiłu Zajcu.
Jaho abvinavacili ŭ arhanizacyi i padrychtoŭcy dziejańniaŭ, jakija hruba parušajuć hramadski paradak (č. 1 art. 342 Kryminalnaha kodeksa), abrazie pradstaŭnika ŭłady (art. 369) i hvałcie albo pahrozie ŭžyvańnia hvałtu ŭ dačynieńni da supracoŭnika orhanaŭ unutranych spraŭ (art. 364), paviedamlaje «Viasna».
Sudovy praces, jaki pačaŭsia 20 studzienia, vioŭ sudździa Rusłan Huryn.
Daniiła Zajca, jaki pracavaŭ u haradzienskim filijale «Biełtelekama» zatrymali za niekalki kamientaroŭ u sacyjalnych sietkach u pačatku kastryčnika 2022 hoda i źmiaścili da suda pad vartu.
Siońnia sud pastanaviŭ pryznać Zajca vinavatym i prysudziŭ jamu pa sukupnaści pakarańniaŭ pazbaŭleńnie voli va ŭmovach ahulnaha režymu terminam na dva hady.
Padrabiaznaści kryminalnaj spravy pakul nieviadomyja.
