Samaha pažyłoha «terarysta» Biełarusi buduć iznoŭ sudzić
70-hadovaha piensijaniera ź Niaśviža Vasila Dziemidoviča, asudžanaha da 6 hadoŭ kałonii, buduć sudzić pa novaj kryminalnaj spravie, paviedamlaje «Viasna».
Vasil Dziemidovič. Fota: sacsietki
Sud Leninskaha rajona Hrodna asudziŭ Dziemidoviča 1 vieraśnia 2022 hoda. Jaho abvinavacili ŭ abrazach pradstaŭnika ŭłady, suddzi, Łukašenki i arhanizacyi masavych biesparadkaŭ. Aproč kałonii, mužčynu dali štraf u pamiery 50 bazavych vieličyń (1600 rubloŭ). Taksama ź jaho pastanavili spahnać maralnuju kampiensacyju paciarpiełym ŭ sumie 32 000 rubloŭ.
Zaŭtra, 31 studzienia, u Dziaržynsku adbudziecca čarhovy sud nad piensijanieram. Hetym razam jaho abvinavačvajuć pavodle art. 369 KK (abraza pradstaŭnika ŭłady). Spravu budzie razhladać suddzia Raman Kryłovič.
Pra Dziemidoviča stała viadoma vypadkova sa śpisaŭ KDB. Jon samy pažyły biełarus, uklučany ŭ śpis «terarystaŭ».
70-hadovamu mužčynu pahražaje da 15 hadoŭ za kamientary. Raspaviadajem pra samaha pažyłoha «terarysta» ź Biełarusi
