Znajści
Ałharytmičny łacinski varyjant
31.01.2023 / 20:3515RusŁacBieł

Dola Zimbabve ŭ ekanomicy Biełarusi mizernaja. Čamu tady prapahanda nadaje stolki ŭvahi vizitu Łukašenki ŭ hetuju krainu?

Vizit Alaksandra Łukašenki ŭ Zimbabve, adnu z najbiadniejšych krain, prapahanda padaje jak niebyvałyja pierśpiektyvy dla ekanomiki. Ale jakaja situacyja nasamreč?

Fota: BiełTA

Biełaruś ustanaviła dypłamatyčnyja adnosiny ź Zimbabve ŭ 1992 hodzie. Praz try dziesiacihodździ, 11 lipienia 2022-ha, adbyłosia ŭračystaje adkryćcio biełaruskaha pasolstva ŭ Zimbabve. 

Adkryćcio pasolstva ŭ Zimbabve, 2022 hod. Fota: rsa.mfa.gov.by

U studzieni 2019 hoda prajšoŭ pieršy aficyjny vizit prezidenta Zimbabve Emiersana Mnanhahva ŭ Biełaruś, u ramkach jakoha jon sustreŭsia z Łukašenkam. 

Łukašenka z prezidentam Zimbabve Emiersanam Mnanhahva padčas vizitu taho ŭ Minsk u 2019 hodzie

Biełaruskija čynoŭniki i dziaržprapahanda lubiać hanarycca ekanamičnymi dasiahnieńniami na zimbabvijskim kirunku. Praŭda, časam błytajucca ŭ pakazčykach. Tak, u listapadzie 2022 hoda vice-premjer Piotr Parchomčyk pachvaliŭsia 15-razovym rostam tavaraabarotu pamiž krainami ŭ paraŭnańni z 2018 hodam. A ŭžo ŭ studzieni zajaviŭ, što tavaraabarot za hety čas vyras tolki ŭ 7 razoŭ.

Skrynšot sajta belta.by

Skrynšot sajta belta.by

Praŭdapadobnaj vyhladaje druhaja ličba. Kali ŭ 2018-m tavaraabarot pamiž Biełaruśsiu i Zimbabve składaŭ kala 5,4 miljona dalaraŭ, to pa vynikach studzienia—listapada 2022-ha — 39 miljonaŭ.

U asnoŭnym Biełaruś pastaŭlaje tudy sielskahaspadarčuju i darožnuju techniku (tyja ž traktary MTZ), šyny, kalij, zapčastki.

Tavaraabarot pamiž Biełaruśsiu i Zimbabve 2016 — 2021 hh. Skrynšot sajta rsa.mfa.gov.by

Ale navat niahledziačy na heta, abjomy zastajucca ścipłymi na fonie inšych krain. Naprykład, tavaraabarot pamiž Biełaruśsiu i Małdovaj u 2021 hodzie skłaŭ 252,7 miljona dalaraŭ, a z Estonijaj — 148 miljonaŭ.

«Ekspart Biełarusi — heta bolš za 40 miljardaŭ dalaraŭ, tamu dola Zimbabve składaje zusim mizernuju častku. Zimbabve — biednaja kraina, jaje ekanomika ŭ try razy mienšaja za biełaruskuju», — kaža akademičny dyrektar BEROC Kaciaryna Barnukova.

Inflacyja ŭ Zimbabve składaje bolš za 240%.

Adnak biełaruskija ŭłady zarablajuć u Zimbabve na inšym. Pra šeryja schiemy stała viadoma dziakujučy raśledavańniu «Archiva Pandory».

U 2021 hodzie raśledavalniki vyjavili, što syn Viktara Šejmana, Siarhiej Šejman, i biełaruski biznesoviec Alaksandr Zinhman, jakoha ŭ pačatku 2019 hoda pryznačyli hanarovym konsułam Zimbabve ŭ Biełarusi, praź firmy-prakładki zajmalisia zdabyčaj zołata ŭ Zimbabve. Na hornazdabyvajučym biznesie zarablali i inšyja nabližanyja.

Viktar Šejman z prezidentam Zimbabve padčas vizitu apošniaha ŭ Minsk. 2018 hod

Padčas ciapierašniaha vizitu, miarkuje Barnukova, moža iści razmova pra hetyja šeryja schiemy, a taksama pra abychod niekatorych sankcyj z dapamohaj Zimbabve. 

«Heta redkaja pajezdka na dziaržaŭnym uzroŭni, jakuju zaraz možna ažyćciavić, kab pakazać, što nam niedzie rady i hatovy paciskać ruki», — kamientuje Barnukova chajp vakoł vizitu, jaki stvaraje prapahanda.

Ekanamist adznačaje, što Zimbabve ŭ lubym vypadku nie zmoža dapamahčy Biełarusi kampiensavać straty ad zhublenaha ŭkrainskaha i častki jeŭrapiejskaha rynkaŭ.

Jakija jašče pahadnieńni maje Biełaruś i Zimbabve?

Niezadoŭha da vizitu ŭ Zimbabve Łukašenka ŭchvaliŭ prajekt Miemaranduma ab uzajemarazumieńni pamiž Biełaruśsiu i Zimbabve pa pytańniach uzajemnaha pryznańnia dakumientaŭ ab adukacyi. Vynikaje, što vypuskniki biełaruskich vuzaŭ ciapier zmohuć pracaŭładkavacca ŭ hetaj krainie.

Minsk stanie horadam-pabracimam stalicy Zimbabvie Charare. Pra namier padpisać adpaviednuju damovu ŭ ramkach vizitu paviedamiŭ staršynia Minharvykankama Uładzimir Kucharaŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
67
Ха-ха
21
Ого
3
Сумна
3
Абуральна
12
0
aha-naha/adkazać/
01.02.2023
z kvietak tam tolki biełyja, u jahonaha pabracima žoŭtyja

ci ja niešta ŭ kvietkach nie razumie ?)
0
tarołoh/adkazać/
01.02.2023
On prosto iŝiet miesto hdie možno spriataťsia ot narodnoho hnieva
0
anatam/adkazać/
01.02.2023
A čiem jeŝie kołchozu horditsia?!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031