SpaceX Iłana Maska vyrašyŭ zabaranić USU vykarystoŭvać Starlink u vajennych metach
Amierykanskaja kampanija SpaceX maje namier pazbavić USU mahčymaści vykarystoŭvać jaje sistemu spadarožnikavaha internetu Starlink u vajennych metach.
Fota AP
Prezident kampanii Hvin Šotvieł zajaviła napiaredadni, što Starlink była stvoranaja i pryznačana vyklučna dla mirnaha vykarystańnia.
«My viedajem, što [ukrainskija] vajskoŭcy vykarystoŭvajuć ich [terminały Starlink] dla suviazi, i heta narmalna. Ale my nie chočam, kab jany vykarystoŭvali ich u nastupalnych metach», — skazała ŭ sieradu kiraŭnik SpaceX, vystupajučy na kanfierencyi ŭ Vašynhtonie.
U pryvatnaści, kampaniju nie zadavalniaje, što USU z dapamohaj Starlink ažyćciaŭlajuć kiravańnie vajennymi dronami padčas vajny suprać Rasii.
Pa słovach Šotvieł, heta nie praduhledžana dahavoram pamiž Ukrainaj i SpaceX.
U kastryčniku 2022 hoda Iłan Mask, jakomu naležyć SpaceX, zajaŭlaŭ, što kampanija bolš nie moža sabie dazvolić finansavać Starlink na terytoryi Ukrainy, i spyniaje pastaŭki novych terminałaŭ.
Damoŭlenaść ab praciahu pracy kampanii va Ukrainie była dasiahnutaja tolki paśla taho, jak Pientahon paabiacaŭ uziać na siabie častku apłaty pasłuh Starlink u hetaj krainie.
Spadarožnikavaja internet-suviaź — adna z klučavych umoŭ dla efiektyŭnaha funkcyjanavańnia ŭkrainskaj armii ŭ umovach vajny.
