Hramadskaja inicyjatyva «Hodna» zapuskaje Marafon biełaruskaj movy
Ciaham 30 dzion u instahramie hramadskaj inicyjatyvy «Hodna» buduć publikavacca karotkija videa z praviłami biełaruskaj movy i raspaŭsiudžanymi pamyłkami ŭ maŭleńni.
Akramia samich videa, buduć davacca prostyja i natchnialnyja zadańni na ŭžyvańnie biełaruskaj movy, a taksama karysnyja spasyłki na cikavyja resursy, jakija dapamohuć achvotnym achinuć siabie biełaruskaj movaj i palepšyć jaje ŭzrovień.
«Biełaruskaja mova, jak i pieršaje kachańnie, da kožnaha z nas prychodzić u svoj čas i pa-roznamu. Ale dakładna vyklikaje mocnyja pačućci i pakidaje jaskravy śled. Ź ciaham času ty razumieješ, što hetaja luboŭ z taboj nazaŭždy.
Jak kachać treba nie tolki 14 lutaha, tak i pra biełaruskuju movu varta pamiatać štodnia», — adznačaje «Hodna» ŭ svaim pres-relizie.
Akramia taho, u Dzień rodnaj movy inicyjatyva vypuściła videarolik pra luboŭ da biełaruskaj movy, u jakim mnohija zmohuć paznać siabie.
