HUR Ukrainy patłumačyła, čamu ŭznaharodziła kijeŭskuju błohierku z reputacyjaj eskortnicy
Aksana Vałaščuk, viadomaja jak Ksiuša Maniekien, niadaŭna atrymała ŭznaharodu Hałoŭnaha ŭpraŭleńnia raźviedki Minabarony Ukrainy — miedal «Za sadziejničańnie vajskovaj vyviedcy Ukrainy» II stupieni. Paśla źjaŭleńnia hetaj infarmacyi ŭ publičnaj prastory va Ukrainie razhareŭsia skandał. Dziaŭčynie zhadali jaje zajavy 2015 hoda pra toje, što joj abyjakava, čyj Krym, i reputacyju eskortnicy.
Hałoŭnaje ŭpraŭleńnie raźviedki adreahavała i patłumačyła ŭ kamientary «Ukrainskaj praŭdzie», što struktura moža pryciahvać da vykanańnia zadač ludziej roznych prafiesij.
Aksana Vałaščuk, viadomaja jak Ksiuša Maniekien
«Zadačy Hałoŭnaha ŭpraŭleńnia raźviedki Ministerstva abarony Ukrainy vykonvajuć mnohija publičnyja i niepubličnyja ludzi, jakija nie afišujuć svaju dziejnaść.
Vajskovaja raźviedka — asabliva ŭ krainie, jakaja vajuje, — heta śpiecyfičnaja struktura, jakaja vykonvaje časam vielmi śpiecyfičnyja zadačy. Pa zrazumiełych pryčynach raźviedka nie moža raskryvać usie mietady svajoj dziejnaści na šyrokuju publiku.
Z pryčyny asablivaściaŭ peŭnych zadač dla ich vykanańnia struktura moža pryciahvać vielmi roznych ludziej roznych prafiesij, statusu, z asablivymi navykami. Na ščaście, vielmi roznyja pradstaŭniki našaha hramadstva hatovyja dapamahać Ukrainie.
U toj ža čas niapravilna publikavać usie instrumienty dasiahnieńnia pastaŭlenych zadač, prynamsi, da pieramohi», — prakamientavali ŭ HUR.
Čytajcie taksama: Orden ad HUR atrymała kijeŭskaja błohierka z reputacyjaj eskortnicy
Kamientatary vyšej - durni, jakija ŭčora naradzilisia