20 sakavika pačnuć sudzić palitviaźniaŭ, jakija vyviesili nacyjanalnyja ściahi Biełarusi i Ukrainy
Traich mužčyn i dźviuch žančyn abvinavačvajuć pa č. 3 art. 361-1 (stvareńnie abo ŭdzieł u «ekstremisckim farmavańni») i č. 2 art. 361-4 KK (sadziejničańnie ekstremisckaj dziejnaści) Kryminalnaha kodeksa. Spravu minčukoŭ pačnie razhladać 20 sakavika ŭ Minharsudzie sudździa Dzina Kučuk, paviedamlaje «Viasna».
U siaredzinie vieraśnia siłaviki zatrymali piaciarych žycharoŭ Minska za toje, što jany vyviesili vialikija nacyjanalnyja ściahi Biełarusi i Ukrainy na fasadzie doma pa staličnaj vulicy Lesi Ukrainki.
Suprać zatrymanych uzbudzili kryminalnuju spravu za «złosnaje chulihanstva». Zavuć ich Dzianis Varozaŭ, Viačasłaŭ Panciušenka, Volha Cierach, Uładzimir Łavor i Kaciaryna Zareckaja.
Praz dva tydni paśla zatrymańnia hetych ludziej MUS pryznała «ekstremisckim farmavańniem» kanał u dadatku Zello, praź jaki minčuki kamunikavali pry arhanizacyi akcyi.
